قصائد رائعة مختارة
قصائد انتقيتها من أجل من يتذوقون الشعر,أرجو أن تنال إعجابكم,وأتمنى أن تبدوا آرائكم
.
.

لاتحاول

لاتحاول جرني بالذكريات ** عندي الحاضر عن الماضي اهم
فيه احلامي وفيه الامسيات ** فيه انسى لوعتي وانسى الالم
خلني في حاضري مافات مات ** ما أعود لعيشتن كله وهم
ماتبي حبي امورك خافيات ** رجعتي لك ماوراه الا الندم
عد كم وعدن تواعدنا وفات ** وكم زعلت وكم رضيت وكم وكم
صار قلبك قاسي مثل الحصاة ** وحبي الفايض وطيته بالقدم
قصرك بقلبي تعدا الناطحات ** والغريب انه على ايديك انهدم
اكتب ابياتي في حبك وافيات **و ياخساره كل ما خط القلم
ولو أخير بين موتي والحياة ** وانت في قربي تمنيت العدم

(6) تعليقات

يازين مو معقول

يازين مو معقول## نبعد وحنا أحباب
فكري غدا مشغول## في طيفك الجذاب
لاجلك انا معلول## منصاب انا منصاب
ارسل لنا مرسول##ترى فؤادي ذاب
يا بو شعر مفلول##عندي عليك عتاب
ودي تجي وتقول## من دون ماتهتاب
قلي من المسؤول##واشرح لي الاسباب
أبغى عذر مقبول##عن حبنا اللي غاب 

(4) تعليقات

أغلى الحبايب

يا أعز الناس يا أغلى الحبايب = يا أعز اللي مشى فوق الثرى
يارموز الحب قلبي فيك ذايب = كيف تتركني وحيدن بالعرى
لوتحس بما جرالي وانت غايب = ما اهتنيت الليل في طيب الكرى
ويل روحي كل ما هبت هبايب = من ديار الزين فكرى به سرى
عفت خلاني وربعي والقرايب = كاتم همي ولا أحدن بي درى
الليال الماضيه والحظ طايب = لاحت بفكرى ودمعي له جرى

(1) تعليقات

هجرتني عامين

هجرتني عاميـن واليـوم راجع ii
تبغى تسلى في فـؤادي وترميـة

لالا تضن القلب ينسى المواجع ii
ولالا تضن العين شرواك تبكيه ii

حبك رحل من ضامري له موادع ii
ومن لايقدر حبنـا وش نبـي فيه i

خلاص توبة من محبـةمخادع ii
ماعاد لي في حب كذاب راعيه i

قلبي صحا ما عاد مثلـك يرافع
مثلك ومثل أمثالك القلـب ناسيه

يازين زينك غرك وأصبحت ضايع
واللي سواتك ضايع مـانماشيه

(3) تعليقات

صاحبي لاتجي

صاحبي  لاتجي بعد الزياره بخيل               ترى التعب والشقا كله على شانك
 
        مهوب قصدي طمع لاشك نجلس قليل             والنفس مجبوره تخضع لديانه
 
الليل كله سهر واليوم عندي طويل            حالي براها الجفا مع طول حرمانه
 
والله لولا الحيا والصبركله جميل      لصيح بعلا الصوت انا في وسط ميدانه
 
 

(1) تعليقات

البارحة نومي فقدته وعيني

البارحة نومي فقدته وعيني = جادت بدمعن يكوي الخد حره
والقلب من شوقه تزايد ونيني = وازداد لو هو حالي ذقت مره
والروح تشكي والسبايب حنيني = والهم زايد والفكر ذاع سره
على اللذي له مدتن مايجيني = قطع حبال الوصل وانهى المسره
ابقالي الذكرى وقفى ضنيني = قفى وخلى الموت ياتيني امره
ليته ذكر ماصار بينه وبيني = من عشرتن كانت بليا مضره
لكن حسايف كيف خلي نسيني = نسى العهد وخلى الخيانة تجره
اول انا وياه واليوم ويني = ويني وينه ياترى ويش غره
أكيد هرج اعداي والحاسديني = اثر عليه وصدقه ثم قره
خلوه يرخصني بدا مايبيني = ومن عقب خيره والغلا شفت شره

(1) تعليقات

السعادة

مرت ايام السعادة مادريت## انها لحظات في عمر السنين@
غافل عنها وفي دربك مشيت## وآخر المشوار صرتي تكذبين@
أعترف؛إني على نفسي جنيت## يوم خليتك بقلبي تلعبين@
عشت في الأوهام مدة واهتنيت##خادع نفسي واقول انه تبين@
أرفض الواقع وباوهامي رضيت## وأبعد الهاجوس وظنون تجين@
شفت منك الغدر لكني وفيت## قلت يمكن بالوفا طبعك يزين@
وذقت منك الويل ولكن ما شكيت## وانتي اللي من حناني تشتكين@
ابتعدتي يوم شفتيني دنيت## كل ماحاولت أقرب تبعدين@
دوري غيري أنا غيرك لقيت## اتركيني مع حياتي اتركين@
ليه جيتي يوم شفتيني سليت ## جيتك ماله لزوم لاتجين@
وليه ذكرتيني يوم اني نسيت## ماضي الذكرى وهو ماضي حزين@
السعادة والهنا كله لقيت## مع هنوف بدلت حزني حنين@
لاتحسبيني على فقدك بكيت## أوسهرت الليل كله بالونين@

(2) تعليقات

تذكرتك وأنا في عيني النوم

تذكرتك وانا في عيني النوم## وطار النوم ذاك الليل ماجاني@
وقمت ابكي وافكر فيك واحوم## دعيت الله يجمع شملنا ثاني@
تعذب قلبي اللي منك محروم## بعد ما كل يوم القاك وتلقاني@
على مابي من اسبابك من هموم## نسيت انك تبين انساك وتنساني@
حرام تضيع عشرتنا ولا تدوم## حرام اليوم ياخلي تحداني@
غلطت وغلطتي يكفي بها اللوم## ولا تستاهل انك يوم تجفاني@
ولا احد من الخطا يازين معصوم## تذكر كم علي أخطيت وتعصاني@
أنا المفتون بك اعذرني اليوم## ترى صدك وبعدك عني اشقاني@

(1) تعليقات

الحب مثل الشوك

الحب مثل الشوك يقوى إلى مات## ويصبح سهوم تجرح القلب والروح@
أول حياتي بين عبرة وونات## يوم الرجا بحبيب القلب مفتوح@
واليوم زاد الهم هم وضيقات##والياس لاح وزاد جرح من جروح@
ياليتي انسى مامضى بس هيهات## وياليتي أدله واترك الحزن والنوح@
إليا ذكرت ام العيون الوسيعات##كن الحشا من حرتي فايح فوح@
ماباقي الا فوق روس الطويلات##أصيح باسمه وارفع الصوت وانوح@
يانور عيني ماهقيت انت بالذات##تترك وليفك ضايق الصدر مجروح@
الله يبيحك وانت تسمع هالابيات##بالحال ياللي سكنك بمهجة الروح@
ضم الكتاب وقبله خمس مرات##ياعل في تقبيل الابيات مصلوح@

(1) تعليقات

لاتحسبيني عقب فرقاك أبندم

لاتحسبيني عقب فرقاك أبندم #### واذل نفسي واتبعك لامشيتي@
نفسي عزيزة لحمها مر علقم #### ماهي ذليلة مثل منتي هقيتي@
لا لا تظنين أنجرح وا تألم #### وامسح دموعك وارحمك لا بكيتي@
حبك غدا عندي قزاز تهشم #### ماينجبر كسره ولو له بغيتي@
ارتاح قلبي,وقلبك اللي تحطم #### والبادي أظلم وانتي اللي بديتي@

(2) تعليقات


.
.